Semana do Libro. Charla de Juan Andrés, historiador e escritor.
O pasado martes, 23 de abril, Día do Libro, recibimos a visita de Juan Andrés Fernández Castro, escritor, historiador e amigo do noso centro. Juan Andrés é coordinador da Miscelánea, publicación anual que divulga aspectos varios (historia, arte, literatura, etc.) do Concello da Estrada ao longo da historia e como creador é autor de títulos como Contos para Elliot, o máis recente, Guendufe o anano, Os nomes do vento e Demasiada luz.
Na charla falou da lectura e da escritura. Da súa afección lectora aportou algúns dos títulos que o marcaron e da parte como escritor falounos sobre como é o proceso creador, desde que chega a idea ou as ideas para unha historia ata que esta cristaliza en material literario.
Foi un encontro ben ameno e moi apropiado para a Semana do Libro pois a escrita e a lectura son os elementos que conflúen nun libro . Juan Andrés demostrounos co seu exemplo que, en efecto, son dous procesos que van da man.
Moitas grazas pola visita!